Miles de persones participaron na manifestación del Primeru de Mayu en Xixón encabezada pol llema "Contra'l paru, repartu del trabayu y de la riqueza". La movilización tenía por oxetivu visibilizar los efeutos de la crisis pa los distintos seutores de la clas trabayaora y señalar quienes son los responsables d'esta situación. La convocatoria realizada poles organizaciones sindicales CGT, CSI y SUATEA-SF viose sofitada como ye vezu por delles organizaciones y coleutivos en llucha.
POL REPARTU DE LA RIQUEZA Y DEL TRABAYU
El capitalismu ta mostrando la cara verdadera: paru, despidos, precariedá, conxelaciones salariales, recortes de drechos y represión pa la xente trabayador, mocedá y ciudadanía.
Fúndese’l barcu y pídenmos que salvemos a los pasaxeros de primer clase.
El gobiernu de Zapatero proporciona ayudes multimillonaries a banqueros, patronal y multinacionales, mientres qu’a los trabayadores y ciudadanos pídemos más sacrificios.
Nun tenemos que ser sumisos y aceptar que la crisis que crearon ellos la paguemos nós. Nun repartieron los beneficios, asina que nun tenemos por qué compartir les pérdigues.
La so economía yera de casinu, pero agora los nuestros problemes son reales.
La crisis nel Estáu español va ser más llarga y más fonda. Nos gobiernos d’Aznar y Zapatero la economía basóse na especulación urbanística y financiera, el consumu y la corrupción. La realidá dexa al aire les mentires d’Areces y el so gobiernu (PSOE-IU). Cuasi toles empreses y sectores tán perxudicaos pola crisis, y agora tamién Arcelor, cola parada del fornu altu. Si les empreses que se crearon colos fondos mineros tán afectaes polos Espedientes de Regulación d’Emplegu (ERE) ¿por qué nun se-yos esixe la devolución de les subvenciones?
Como solución al paru, la patronal propón aumentar los despidos.
Si’l problema del paru nun ye’l capitalismu, nun pue haber más qu’un culpable: el paráu. Por eso la patronal esixe despidos más baratos, porque más de 3,6 millones de desemplegaos tovía son pocos. Too ello a pesar de que la tasa de paru y temporalidá dobla la media de la Xunión Europea. Podemos llegar a más de 100.000 paraos n’Asturies y a 5 millones nel conxuntu del Estáu español.
La esclusión social va llegamos a toos, non solo a mocedá, muyeres o inmigrantes.
Los precarios, y sobre too les precaries, son les primeres en sufrir los efeutos de la crisis: gracies a los alcuerdos firmaos polos sindicatos mayoritarios, yá nun fai falta nin despidilos, porque los contratos duren lo qu’una llambionada na puerta d’una escuela. Tovía más, munchos trabayadores tán agotando les prestaciones, nun tienen nin pa comer y tán perdiendo les viviendes.
Si’l paru fuera’l nuestru únicu problema, cualquier trabayu sedría la solución.
El recorte en drechos sociales, la crisis de los cuidaos, la privatización de la educación, la falta de llibertaes p’articular respuestes... son dalgunes de les otres cares d’una crisis que va más allá de les files na Oficina d’Emplegu.
Vamos lluchar agora pa nun llorar mañana
El capitalismu constrúyese d’espaldes a les necesidaes sociales. Por eso quieren convertir a Asturies nun basureru enerxéticu, olvidando que los beneficios de les llétriques aumenten tan rápido como’l númberu d’enfermos de cáncer –el triple de la media estatal– causaos pola contaminación.
Hai que salir a la calle pa esixir:
- El final de los despidos y el zarrar empreses.
- Renta básica y prestaciones de paru indefiníu.
- Drechu a la vivienda. Suspensión del pagu de les hipoteques pa los paraos.
- Nacionalización de la banca y control democráticu de los recursos públicos.
- Drechu a l’alimentación. Pola recuperación del campu y la soberanía alimentaria.
- Conxelación de precios de la cesta de la compra.
Agora ye’l momentu d’apostar por una economía que tenga en cuenta l’interés de les persones y que nun destruya’l medioambiente. El 1u de mayu ye una fecha bona pa repensar el papel del sindicalismu anticapitalista, asambleariu y asturianu nesti procesu.
Vamos dexar el pesimismu pa tiempos meyores.
Asturies, abril del 2009
:: CGT [ http://www.cgt.es/asturies/ ]
El capitalismu ta mostrando la cara verdadera: paru, despidos, precariedá, conxelaciones salariales, recortes de drechos y represión pa la xente trabayador, mocedá y ciudadanía.
Fúndese’l barcu y pídenmos que salvemos a los pasaxeros de primer clase.
El gobiernu de Zapatero proporciona ayudes multimillonaries a banqueros, patronal y multinacionales, mientres qu’a los trabayadores y ciudadanos pídemos más sacrificios.
Nun tenemos que ser sumisos y aceptar que la crisis que crearon ellos la paguemos nós. Nun repartieron los beneficios, asina que nun tenemos por qué compartir les pérdigues.
La so economía yera de casinu, pero agora los nuestros problemes son reales.
La crisis nel Estáu español va ser más llarga y más fonda. Nos gobiernos d’Aznar y Zapatero la economía basóse na especulación urbanística y financiera, el consumu y la corrupción. La realidá dexa al aire les mentires d’Areces y el so gobiernu (PSOE-IU). Cuasi toles empreses y sectores tán perxudicaos pola crisis, y agora tamién Arcelor, cola parada del fornu altu. Si les empreses que se crearon colos fondos mineros tán afectaes polos Espedientes de Regulación d’Emplegu (ERE) ¿por qué nun se-yos esixe la devolución de les subvenciones?
Como solución al paru, la patronal propón aumentar los despidos.
Si’l problema del paru nun ye’l capitalismu, nun pue haber más qu’un culpable: el paráu. Por eso la patronal esixe despidos más baratos, porque más de 3,6 millones de desemplegaos tovía son pocos. Too ello a pesar de que la tasa de paru y temporalidá dobla la media de la Xunión Europea. Podemos llegar a más de 100.000 paraos n’Asturies y a 5 millones nel conxuntu del Estáu español.
La esclusión social va llegamos a toos, non solo a mocedá, muyeres o inmigrantes.
Los precarios, y sobre too les precaries, son les primeres en sufrir los efeutos de la crisis: gracies a los alcuerdos firmaos polos sindicatos mayoritarios, yá nun fai falta nin despidilos, porque los contratos duren lo qu’una llambionada na puerta d’una escuela. Tovía más, munchos trabayadores tán agotando les prestaciones, nun tienen nin pa comer y tán perdiendo les viviendes.
Si’l paru fuera’l nuestru únicu problema, cualquier trabayu sedría la solución.
El recorte en drechos sociales, la crisis de los cuidaos, la privatización de la educación, la falta de llibertaes p’articular respuestes... son dalgunes de les otres cares d’una crisis que va más allá de les files na Oficina d’Emplegu.
Vamos lluchar agora pa nun llorar mañana
El capitalismu constrúyese d’espaldes a les necesidaes sociales. Por eso quieren convertir a Asturies nun basureru enerxéticu, olvidando que los beneficios de les llétriques aumenten tan rápido como’l númberu d’enfermos de cáncer –el triple de la media estatal– causaos pola contaminación.
Hai que salir a la calle pa esixir:
- El final de los despidos y el zarrar empreses.
- Renta básica y prestaciones de paru indefiníu.
- Drechu a la vivienda. Suspensión del pagu de les hipoteques pa los paraos.
- Nacionalización de la banca y control democráticu de los recursos públicos.
- Drechu a l’alimentación. Pola recuperación del campu y la soberanía alimentaria.
- Conxelación de precios de la cesta de la compra.
Agora ye’l momentu d’apostar por una economía que tenga en cuenta l’interés de les persones y que nun destruya’l medioambiente. El 1u de mayu ye una fecha bona pa repensar el papel del sindicalismu anticapitalista, asambleariu y asturianu nesti procesu.
Vamos dexar el pesimismu pa tiempos meyores.
Asturies, abril del 2009
:: CGT [ http://www.cgt.es/asturies/ ]
No hay comentarios:
Publicar un comentario